Познаем мир вместе
новые СТАТЬИ сайта
популярные бренды одежды из Беларуси

Молитва на сошествие Святого Духа

Молитва на сошествие Духа Святого

 

Канон Духу Святому

Акафист Духу Святому

 

Празднуется сошествие Духа Святого (Пятидесятница или Троица) на пятидесятый день после Пасхи

О, Небесный Царю, Утешителю Святый, Душе Истины, везде сый и вся исполняяй, никогдаже начинаемый, ниже престаяй, но со Отцем и Сыном присно Сущий, первее во Ангельских Воинствах действовавый, священие даруя; и при миробытии в начале верху воды носивыйся, яко жизни Податель, в рай же первозданныя люди дыханием жизни вооду-шевивый и сладким общением Божественным утешавый я, по грехопадении же прародителей наших не восхотевый с падшими сынами человеческими пребывати, зане плоть быша, но точию во избраннех патриарсех и пророцех древле отцем глаголавый, в последок же дней сих, восхотев излити от Духа Своего на всяку плоть, первее на Честнейшую Горних Сил Пресвятую Деву Марию низшедый и велие таинство Воплощения Сына Божия Тою неизреченно совершивый, и паки на Том же Сыне Божием, во плоти на Иордан пришедшем, в виде голубине почивый, по сем же в великий день Пятидесятницы существенно в видении огненных язык на Апостолы сошедый и сими всю вселенную просветивый и Святую Церковь до скончания века Своею Божест-венною благодатию изобильно исполнивый, во еже падшее естество наше обожити и паки к райскому блаженству возвратити! Призри убо в сей великий, совершенный и конечный Пятидесятный праздник на моления рабов Твоих коленопреклоненно Тебе возносимый, и очисти нас священным наитием Твоим от множества согрешений наших во всем житии нами содеянных. Едине Чистый и Пресвятый Душе, очисти нас от многия нечистоты нашея, да не паки оставиши нас, аще по плоти жити будем, яко не имать обитати Дух Твой в человецех плоть сущих, зане плоть и кровь Царствия Божия наследити не могут. Сего ради молим Тя: угаси живоносным дыханием Твоим весь пламень страстей наших, да не творим плотоугодия в похотех, но водимии Тобою, да будем прославляти Тя в душах и телесех наших. И избави нас от духа праздности, уны-ния, печали и гордости и даруй нам дух кротости и чистоты, дух смирения и целомудрия, дух терпения и любве, да приидеши во внутреннюю храмину душ наших и воцаришися тамо над страстями нашими, во еже сеяти нам ктому уже не в плоть и тление, но в дух, да от Духа Твоего пожнем живот вечный в последнее Воскресение и прославим Тя с лики святых со Отцем и Сыном во веки веков. Аминь.

Чтобы оставлять комментарии, используя стандартную форму, необходимо войти или зарегистрироваться.
Так же вы можете оставить комментарий используя форму "Вконтакте"
Закрыть комментарии
Все категории раздела «Православие»
новые РЕЦЕПТЫ сайта
популярные бренды одежды из Беларуси