Познаем мир вместе
новые СТАТЬИ сайта
популярные бренды одежды из Беларуси

Молитва преподобному чудотворцу Макарию, игумену Калязинскому

Молитва святому преподобному Макарию Калязинскому- икона

 

Акафист святому преподобному Макарию Калязинскому

Канон святому преподобному Макарию Калязинскому

 

Память празднуем 17 (30) марта, 26 мая (8 июня) 

О священная главо, преподобне отче, преблаженне авво Макарие! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к Небесному Царю. Не промолчи за ны ко Господу, и не презри нас, верою и любовию чтущих тя. Поминай нас, недостойных, у Престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо и телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа с ангельскими воинствы, с безплотными лики, с Небесными Силами у Престола Вседержителева предстоящи, достойно веселится. Ведуще бо тя воистину и по смерти жива суща, тебе припадаем и тебе молимся: еже молитися о нас Всесильному Богу о пользе душ наших и испросити время на покаяние, и о невозбранном преитии от земли на Небо, мытарств же горьких, бесов воздушных князей и вечныя муки избавитися, и Небесному Царствию наследником быти со всеми праведными, от века угодившими Господу нашему Иисусу Христу: Емуже подобает всякая слава, честь и поклонение со Безначальным Его Отцом, и Пресвятым и Благим и Животворящим Его Духом, ныне и присно, и во веки веков. Аминь.

Чтобы оставлять комментарии, используя стандартную форму, необходимо войти или зарегистрироваться.
Так же вы можете оставить комментарий используя форму "Вконтакте"
Закрыть комментарии
Все категории раздела «Православие»
новые РЕЦЕПТЫ сайта
популярные бренды одежды из Беларуси