Познаем мир вместе
новые СТАТЬИ сайта
популярные бренды одежды из Беларуси

Молитва святому праведному Иосифу, обручнику Пресвятыя Девы Марии

Молитва святому и праведному Иосифу Обручнику - икона

 

Акафист святому и праведному Иосифу Обручнику

 
Память празднуем в первое воскресенье по Рождеству Христову 

 

О святый праведный Иосифе! Ты еще на земли сый, велие имел еси дерзновение к Сыну Божию, иже благоизволи именовати тя Отца Своего, яко обрученика Своея Матери, и послушати тя: веруем, яко ныне с лики праведных во обителех небесных водворяяся, услышан будеши во всяком твоем прошении к Богу и Спасителю нашему. Темже, ко твоему покрову и заступлению прибегающе, смиренно молим тя: якоже сам от бури сумнительных помышлений избавлен был еси, сице избави и нас, волнами смущений и страстей обуреваемых: якоже ограждал еси Всенепорочную Деву от клеветы человеческия, огради и нас такожде от всякия клеветы напрасныя: якоже хранил еси от всякого вреда и озлобления воплотившагося Господа, сице сохраняй твоим заступлением Церковь Его православную и всех нас от всякаго озлобления и вреда. Веси, святче Божий яко и Сын Божий во днех плоти Своея в телесных потребах нужду имеяши, и ты послужил еси им: того ради молим тя, и нашим временным нуждам благопоспеши твоим ходатайством, подая нам вся благая, в житии сем потребная. Изряднее же просим тя, исходатайствуй нас оставление грехов прияти от нареченнаго ти Сына, Единороднаго же Сына Божия, Господа нашего Иисуса Христа и достойны быти наследия Царства Небеснаго нас предстательством твоим сотвори, да и мы, в горних селениих с тобою водворяющеся, прославим Единаго Триипостаснаго Бога, Отца и Сына и Святаго Духа, ныне и во веки веков. Аминь.

Чтобы оставлять комментарии, используя стандартную форму, необходимо войти или зарегистрироваться.
Так же вы можете оставить комментарий используя форму "Вконтакте"
Закрыть комментарии
Все категории раздела «Православие»
новые РЕЦЕПТЫ сайта
популярные бренды одежды из Беларуси